Խաչանովը պարտվել է Ալկարասին Դոհայի մրցաշարի 1/4 եզրափակչում. իսպանացին մեկնաբանել է

Հայկական արմատներով ռուս թենիսիստ Կարեն Խաչանովը Դոհայում անցկացվող ATP 500 մրցաշարի քառորդ եզրափակչում պարտվել է աշխարհի առաջին ռակետ, իսպանացի Կառլոս Ալկարասին:

Խաղն ավարտվել է 6-7 (3-7), 6-4, 6-3 հաշվով: Թենիսիստները կորտում անցկացրել են 2 ժամ 26 րոպե։

«Շատ լարված և համառ էր։ Առաջին սեթում ես մի քանի բրեյք-փոյնթ ունեի, որոնք չկարողացա իրացնել։ Շատ դժվար էր։ Կարենը հիանալի խաղաց։ Գիտեի, որ հնարավորություններ կունենամ, բայց առաջին սեթում պարզապես չօգտվեցի դրանցից։ Ես պետք է շարունակեի պայքարել, սպասել իմ հնարավորություններին և փորձել դրանք օգտագործել։ Կարծում եմ՝ դա արեցի երկրորդ և երրորդ սեթերում։ Ես շատ, շատ հպարտ եմ նրանով, թե ինչպես դա արեցի և ինչպես պայքարեցի», - ասել է Ալկարասը խաղից հետո:

Կիսաեզրափակչում իսպանացի թենիսիստը կմրցի ռուս Անդրեյ Ռուբլյովի հետ։

Դոհայում անցկացվող ATP 500 մրցաշարի մրցանակային ֆոնդը կազմում է ավելի քան 2.8 միլիոն դոլար։