Վան դեր Վարտ. Արսենալի որևէ ֆուտբոլիստ չէր հաջողի Ռեալում

Նիդերլանդների հավաքականի ու Մադրիդի Ռեալի նախկին կիսապաշտպան Ռաֆայել վան դեր Վարտը կարծում է, որ «Արսենալում» չկան համաշխարհային մակարդակի ֆուտբոլիստներ:

««Արսենալը» չունի ոչ մի համաշխարհային կարգի ֆուտբոլիստ. այս առումով ես համաձայն եմ Ուեյն Ռունիի հետ:

Թերևս ավելի ճիշտ կլինի ասել, որ «Արսենալում» կան աստղեր: Նրանք իսկապես ունեն լավ խաղացողներ, բայց նրանցից ոչ ոք համաշխարհային կարգի ֆուտբոլիստ չէ: Համաշխարհային կարգի մարզիկ դառնալու համար կարևոր է ոչ միայն խաղի որակը, այլև դաշտում գործին մոտեցումը:

«Արսենալը» հրաշալի փեսացու է, ինչպես ասում ենք Նիդերլանդներում: Նրանք գիտեն լավ խաղալ, բայց չեմ կարծում, որ նրանցից որևէ մեկը հաջողության կհասներ, եթե տեղափոխվեր «Ռեալ», որովհետև այնտեղ շատ ավելի կոշտ մենթալիտետ է և շատ ավելի մեծ ճնշում»,- ասել է Ռաֆայել վան դեր Վարտը Sky Bet-ին տված հարցազրույցում: