Ռանոսը մասնակցեց Այնտրախտի հերթական հանդիպմանը

Գերմանիայի 2-րդ Բունդեսլիգայի 23-րդ տուրում Բրաունշվայգի «Այնտրրախտը» հյուրընկալվել էր «Էլվերսբերգին» ու զիջեց 1։3 հաշվով։

5-րդ րոպեին Լուկաս Պետկովը բացեց հանդիպման հաշիվը, իսկ 23-րդ րոպեին կրկնապատկեց այն՝ գրանցելով դուբլ։ 35-րդ րոպեին Աարոն Օպուկուն կրճատեց հաշվի տարբերությունը։ 

2-րդ կեսի մեկնարկից 16 րոպե անց փոխարինման մտավ Հայաստանի ազգային հավաքականի հարձակվող Հրանտ-Լեոն Ռանոսը, սակայն խաղի ընթացքը բեկել չհաջողվեց։

75-րդ րոպեին «Էլվերսբերգը» հակագրոհի արդյունքում խփեց 3-րդ գոլը։ Աչքի ընկավ Դավիդ Մոկվան։ 

Հիմնական ժամանակին ավելացրած 4-րդ րոպեին տանտերերը կարող էին խփել նաև 4-րդ գոլը, սակայն 11-մետրանոցից Կարլո Սիկինգերի կատարած հարվածը հետ մղեց Ռոն Հոֆֆմանը։

Այս խաղից հետո «Այնտրախտը» 25 միավորով 13-րդ տեղում է և հաջորդ տուրում կմրցի «Պրոյսեն Մյունստերի» հետ։