Մադրիդի «Ռեալը» զիջեց «Օսասունային» (տեսանյութ)

Իսպանիայի առաջնության 25-րդ տուրում Մադրիդի «Ռեալը» հյուրընկալվել էր «Օսասունային» ու զիջեց 1։2 հաշվով։

Հանդիպման հաշիվը 38-րդ րոպեին բացեց Անտե Բուդիմիրը՝ դիպուկ իրացնելով իր վաստակած 11-մետրանոցը։ 
73-րդ րոպեին Վինիսիուս Ջունիորը վերականգնեց հաշվի հավասարությունը, սակայն հիմնական ժամանակի վերջին րոպեին Ռաուլ Գարսիան խփեց «Օսասունայի» հաղթական գոլը։

Այս հաղթանակից հետո «Օսասունան» 33 միավորով 9-րդ տեղում է։ «Ռեալը» շարունակում է մնալ առաջատարը 60 միավորով, սակայն մեկ խաղ ավելի է անցկացրել 58 միավորով 2-րդ տեղում ընթացող «Բարսելոնայից», որը վաղը կմրցի «Լևանտեի» հետ։