Բարսեղյանը 5 ամիս անց դարձել է գոլի հեղինակ (տեսանյութ)

Սլովակիայի առաջնության 21-րդ տուրում «Սլովանը» հյուրընկալվել էր «Ռուժոմբերոկին»։ Գրանցվել է 2:2 հաշիվը։

Հայաստանի ազգային հավաքականի նախկին ֆուտբոլիստ Տիգրան Բարսեղյանը, որը վերջերս հայտարարել էր ազգային հավաքականում կարիերան ավարտելու մասին, հյուրերի կազմում փոխարինման է մտել երկրորդ կեսի մեկնարկին և 68-րդ րոպեին խփել է իր թիմի երկրորդ գոլը։ Տեսանյութը՝ այստեղ։

«Ռուժոմբերոկ» 2:2 «Սլովան»
9' Լուկաշ Ֆիլա, 82' Յան Մուրգաշ - 48' Սվետոզար Մարկովիչ, 68' Տիգրան Բարսեղյան
Հեռացում՝ 54' Պետր Պոկորնի (Սլովան)

Այս հանդիպումից հետո «Սլովանը» 43 միավորով գլխավորում է մրցաշարային աղյուսակը։