Դարի մենամարտը ռևանշ կունենա

Լեգենդար բռնցքամարտիկներ Ֆլոյդ Մեյվեզերը և Մենի Պակյաոն երկրորդ մենամարտը կանցկացնեն 2026 թվականի սեպտեմբերի 19-ին: Մենամարտը տեղի կունենա Լաս Վեգասի Sphere մարզահամալիրում, իսկ ամբողջ աշխարհում ուղիղ հեռարձակումը կապահովի Netflix սթրիմինգային ծառայությունը:

Ի տարբերություն ցուցադրական մենամարտերի, որոնց երկու վետերաններն էլ մասնակցել են վերջին տարիներին, այս հանդիպումը լինելու է պրոֆեսիոնալ: Մեյվեզերը ռևանշին մոտենում է 50-0 ցուցանիշով (27 նոկաուտ), իսկ Պակյաոյի հաշվին կա 62 հաղթանակ (39 նոկաուտ), 8 պարտություն և 3 ոչ-ոքի:

Մրցակիցների առաջին մենամարտը, որը կոչվում է «Դարի մենամարտ», տեղի է ունեցել 2015 թվականի մայիսին: Այն ժամանակ ամերիկացին հաղթեց ֆիլիպինցուն և պաշտպանեց կիսամիջին քաշային կարգում WBA, WBC և WBO վարկածներով աշխարհի չեմպիոնական գոտիները:

Այդ մենամարտը դարձել է բռնցքամարտի պատմության ամենաեկամտաբեր իրադարձություններից մեկը: