Նոան պարտվեց ԱԶ Ալկմարին ու դուրս մնաց Կոնֆերենցիաների լիգայից

Կոնֆերենցիաների լիգայի անցումային փլեյ-օֆֆի պատասխան խաղում «Նոան» հյուրընկալվելիս 0։4 հաշվով պարտվեց «ԱԶ Ալկմարին»։ 

Հանդիպման հաշիվը խաղի արդեն 5-րդ րոպեին տանտերերի կազմում բացեց հոլանդացի պաշտպան Ռո-Զանգելո Դալը:  39-րդ րոպեին Սվեն Մայնանսը տուգանայինի խաղարկումից հետո երկրորդ գնդակն  ուղարկեց Հայաստանի չեմպիոնի դարպասը, իսկ 54-րդ րոպեին Մայնանսը հաշիվը դարձրեց 3։0։ 91-րդ րոպեին Իսակ Ջենսենը խփեց իր թիմի 4-րդ գոլը։ 

Հիշեցնենք, որ դիմակայության առաջին խաղում Սանդրո Պերկովիչի գլխավորած թիմը հաղթել էր նվազագույն հաշվով։