Հպարտ եմ, որ առաջին հայ թենիսիստուհին եմ դասակարգման 40-ի մեջ․ Էլինա Ավանեսյան

Աշխարհի 39-րդ ռակետ, Հայաստանի ներկայացուցիչ Էլինա Ավանեսյանը գրառում է կատարել  ինստագրամյան իր էջում։ 

«Առաջին կիսաեզրափակիչս WTA-500 մրցաշարում։  Շնորհակալ եմ մեքսիկացի հանդիսատեսին ու իմ բոլոր աջակիցներին։  

Իմ կարիերայում առաջին անգամ հասել եմ ռեկորդային վարկանիշի ու հպարտ եմ, որ առաջին հայ թենիսիստուհին եմ դասակարգման 40-ի մեջ։  Սա շատ մեծ նշանակություն ունի ինձ համար։ Շնորհակալ եմ այս ճանապարհի համար»,- գրել է Էլինա Ավանեսյանը։

Հիշեցնենք, որ Ավանեսյանը դուրս էր եկել Մեքսիկայի Մերիդա քաղաքում կայացած WTA-500 մրցաշարի կիսաեզրափակիչ, որտեղ պարտվել էր ամերկացի Էմմա Նավարոյին

Հայ թենիսիստուհին կարիերայում լավագույն արդյունքն էր գրանցել՝ լինելով դասակարգման աղյուսակի 39-րդ տեղում։