Յամալի առաջին հեթ-տրիկն ու Բարսելոնայի հաղթանակը (տեսանյութ)

Իսպանիայի առաջնության 26-րդ տուրում «Բարսելոնան» ընդունել էր «Վիլյառեալին» ու հաղթեց 4։1 հաշվով։

Կատալոնական ակումբի կազմում իր առաջին հեթ-տրիկը ձևակերպեց Լամին Յամալը, 1 անգամ էլ աչքի ընկավ Ռոբերտ Լևանդովսկին։ «Վիլյառեալի» միակ գոլը հեղինակեց Պապե Գեյեն։

Այս հաղթանակից հետո «Բարսելոնան» 64 միավորով գլխավորում է մրցաշարային աղյուսակը։ «Վիլյառեալը» 51 միավորով 3-րդ տեղում է։

Հաջորդ տուրում կմրցի Բիլբաոյի «Ատլետիկի» հետ։ Մինչ այդ խաղը Հանսի Ֆլիկի սաները կփորձեն հետ բերել 4 գնդակի տարբերությունը Իսպանիայի գավաթի խաղարկության Մադրիդի «Ատլետիկոյի» դեմ պատասխան խաղում։

«Բարսելոնա» 4։1 «Վիլյառեալ»

28', 37' 61' Լամին Յամալ, 90'+1 Ռոբերտ Լևանդովսկի - 49' Պապե Գեյե