Ռանոսը խաղաց 14 րոպե, Մկրտչյանը մնաց պահեստայինների նստարանին

Գերմանիայի 2-րդ Բունդեսլիգայի 24-րդ տուրում միաժամանակ հանդիպում էին անցկացնում Հայաստանի ազգային հավաքականի ֆուտբոլիստներ Հրանտ-Լեոն Ռանոսի ու Ստյոպա Մկրտչյանի թիմերը։

Մասնավորապես, «Այնտրախտ Բրաունշվայգը» 1։2 հաշվով զիջեց «Պրոյսեն Մյունստերին», իսկ Հայաստանի ազգային հավաքականի հարձակվող Հրանտ-Լեոն Ռանոսը փոխարինման մտավ 83-րդ րոպեին։ Սա 22-ամյա ֆուտբոլիստի 4-րդ հանդիպումն էր նոր թիմի կազմում։ Ընդհանուր առմամբ, Ռանոսը «Այնտրախտի» կազմում խաղադաշտում անկացրել է 94 րոպե։

Ազգային հավաքականի պաշտպան Ստյոպա Մկրտչյանի «Նյուրնբերգն» էլ նույն հաշվով պարտվեց Բեռլինի «Հերտային»։ Մկրտչյանը մնաց իր թիմի պահեստայինների նստարանին։ Հայ պաշտպանը Միրոսլավ Կլոզեի գլխավորած թիմում մասնակցել է ընդամենը 1 հանդիպման՝ ստանալով 90 րոպե խաղաժաման «Պադերբորնի» դեմ խաղում։ Մնացած բոլոր դեպքերում երրիտասարդ պաշտպանը մնացել է փոխարինողների կազմում։

Այս խաղերից հետո 2-րդ Բունդեսլիգայի մրցաշարային աղյուսակն ունի հետևյալ տեսքը․