Հայաստանի գավաթ. Փյունիկն ու Արարատ-Արմենիան քառորդ եզրափակչի առաջին խաղերն ավարտեցին հաղթանակով
Ֆուտբոլի Հայաստանի գավաթի խաղարկության քառորդ եզրափակչում «Փյունիկը» 7:2 հաշվով առավելության է հասել «Լեռնային Արցախի» նկատմամբ:
«Փյունիկի» կազմում դուբլի հեղինակ են դարձել Թեմուր Ջիկիան և Լևոն Պետրոսյանը, մեկական գոլ էլ հեղինակել են Մաթաս Վարեյկան և Տիգրան Գևորգյանը:«Լեռնային Արցախի» կազմում խփած գնդակներով աչքի են ընկել Իլյա Տրինկոն և Մարկո Միլովանովիչը:
Օրվա մյուս խաղում էլ «Ուրարուն» Չարենցավանի քաղաքային մարզադաշտում 0:1 հաշվով պարտվել է «Արարատ-Արմենիային»: Հյուրերի միակ գոլը խփել է Տենտոն Յենեն:
Քառորդ եզրափակիչի ևս երկու խաղ կկայանա մարտի 6-ին, պատասխան խաղերը կկայանան ապրիլի 1-ին:
