Բելգիացի պաշտպանը տեղափոխվեց Նոա

Երևանի «Նոան» նոր ֆուտբոլիստ ունի։ 

«Բելգիացի ձախ եզրային պաշտպան Ռոբ Նիզեթը միանում է մեր թիմին:

23-ամյա ֆուտբոլիստն իր կարիերան սկսել է «Անդերլեխտում», այնուհետև հանդես է եկել «Նորվիչ Սիթիի» և «Լեչչեի» երիտասարդական թիմերում, ինչպես նաև բելգիական «Լոմելի», նիդերլանդական «Վիլեմ II»-ի և թուրքական «Գազիանթեփի» գլխավոր թիմերում:

Նիդերլանդների Բարձրագույն լիգայում Նիզեթը մասնակցել է 21 հանդիպման: Պաշտպանը նաև հանդես է եկել Բելգիայի բոլոր պատանեկան հավաքականներում: Նիզեթը մեր թիմում կկրի 4 համարի մարզաշապիկը»,-ասված է ակումբի հայտարարությունում։

Ֆաստեքս Հայաստանի Պրեմիեր լիգայի 15-րդ տուրից հետո Սանդրո Պերկովիչի գլխավորած «Նոան» 23 միավորով 5-րդն է։