Հայաստանի հավաքականը Երևանում պարտվեց Բուլղարիային

Բասկետբոլի Եվրոպայի առաջնության որակավորման առաջին փուլի խմբային մրցաշարում Հայաստանի հավաքականն ընդունեց Բուլղարիայի ընտրանուն և պարտություն կրեց: Գրանցվեց 80:100 հաշիվը:

Մինչև չորրորդ քառորդի մեկնարկը հավասար պայքար էր, սակայն վերջին խաղափուլում Բոգդան Կարաչիչի ու Կոստաս Պապավասիլեուի գլխավորած թիմը զիջեց խոշոր հաշվով:

Հայաստանի հավաքականի կազմում ամենաարդյունավետը պաշտպան Դարիուս Մագին էր, որը վաստակեց 35 միավոր, տիրեց 4 ռեբաունդի և կատարեց 7 արդյունավետ փոխանցում: Կենտրոնական Յուրա Մելիքյանի հաշվին գրանցվեց 22 միավոր և 8 ռեբաունդ, իսկ պաշտպան Դանիել Կիրակոսյանն ավելացրեց 15 միավոր:

Հանդիպման ընթացքում մեր թիմը խաղից նետումներ է կատարել 37,5 տոկոս դիպուկությամբ, իսկ մրցակիցը՝ 51:

Հաղթանակի շնորհիվ Բուլղարիան 5 միավորով գլխավորեց B խմբի մրցաշարային աղյուսակը: Նրանք անցկացրել են երեք խաղ: Նորվեգիան երկու մրցավեճից հետո 4 միավորով երկրորդ տեղում է, իսկ Հայաստանի ընտրանին երեք խաղում պարտվելուց հետո ունի 3 միավոր: Խմբում վերջին հանդիպումը մեր ընտրանին կանցկացնի հուլիսի 7-ին Նորվեգիայում:

Խմբերում առաջին տեղ գրաված թիմերը դուրս են գալիս հաջորդ փուլ, իսկ չորրորդ ուղեգիրը ստանում է  երկրորդ տեղ գրավածներից լավագույն արդյունքով թիմը: