Գլխավոր մարզչի վերջնական ընտրությունը ձգձգվում է. ՀՖՖ հայտարարությունը
ՀՖՖ-ն պաշտոնական հայտարարություն է տարածել ազգային հավաքականի գլխավոր մարզչի հարցի վերաբերյալ։
«Հարգելի երկրպագուներ, ֆուտբոլային հասարակության հարգելի անդամներ,
Հայաստանի ֆուտբոլի ֆեդերացիան գիտակցում է, որ բոլորը հետաքրքրված են Հայաստանի ազգային հավաքականի նոր գլխավոր մարզչի նշանակման հարցով։ ՀՖՖ-ն շարունակում է ինտենսիվ բանակցությունները մի քանի թեկնածուների հետ։
Թեկնածուներից յուրաքանչյուրի հետ ընթանում են անհատական բանակցություններ և հարցազրույցներ, որոնցով պայմանավորված՝ գլխավոր մարզչի վերջնական ընտրությունը ձգձգվում է։
ՀՖՖ-ն անում է առավելագույնը՝ ամենաօպտիմալ տարբերակն ընտրելու համար: Մոտ ժամանակներս արդեն կունենանք հստակություն թեկնածուների շրջանակի հարցում և կներկայացնենք նրանց ՀՖՖ գործադիր կոմիտեի հաստատմանը,-»,- նշված է հայտարարությունում։
Հիշեցնենք, որ Հայաստանի ազգային հավաքականն առանց գլխավոր մարզչի է նախորդ տարվա հոկտեմբերից՝ Ալեքսանդր Պետրակովի հեռացումից հետո:
Մարտի 20-ին Հայաստանի հավաքականը Երևանում կմրցի Վրաստանի թիմի հետ՝ Ազգերի լիգայի փլեյ-օֆֆում: Պատասխան խաղը կկայանա Թբիլիսիում՝ մարտի 23-ին:
