Առաջին օրն արթնացել եմ տագնապի ազդանշաններից․ Արթուր Միրանյանը հեռացել է Իսրայելից ու արդեն Երևանում է

Հայաստանի ազգային հավաքականի ու իսրայելական «Բնեյ Սախնինի» հարձակվող Արթուր Միրանյանն արդեն լքել է Իսրայելն ու Երևանում է։ Այս մասին ֆուտբոլիստն ասաց Sportmedia.am-ի հետ զրույցում։ 

Հիշեցնենք, որ Իրանի հետ պատերազմի պատճառով երկրում արտակարգ իրավիճակ է, հետաձգվել են ֆուտբոլի առաջնության բոլոր հանդիպումները։ 

«2 օր առաջ են լեգիոներներին դուրս հանել երկրից։ Մոտ 6-7 ժամ ավտոմեքենայով գնացել ենք մինչև  Եգիպտոսի սահման, մուտք ենք գործել Եգիպտոս, այնտեղ մեկ օր մնալուց հետո եկել եմ Երևան։ Իսրայելում իրավիճակն ամբողջովին պատերազմական էր։  Ամեն օր տագնապ էր։ Պատերազմի առաջին օրը ես արթնացել եմ տագնապի ազդանշաններից։ 
Ամենից շատ ռմբակոծություններ Հայֆա քաղաքում էր, որտեղ կատարվածը լսվում էր նաև մեր քաղաքում։  Շատ վտանգավոր էր այնտեղ մնալը, հուսանք, որ ամեն ինչ շուտ կավարտվի,  կվերադառնամ ու կանցնենք բնականոն կյանքի»,-Sportmedia.am-ի հետ զրույցում ասել է Միրանյանը։