Էլինա Ավանեսյանի ֆանտաստիկ քամբեքը

Անթալիայում մեկնարկած «Չելենջեր» մակարդակի մրցաշարում Էլինա Ավանեսյանը հաղթել է չեխ Դոմինիկա Սալկովային:

Այս պահին վարկանիշային աղյուսակում իրենից 197 տեղով ցածր գտնվող մրցակցի դեմ առաջին սեթում Հայաստանի ներկայացուցիչը վստահ առավելության է հասել 6:1 հաշվով:

Երկրորդ սեթում 21-ամյա թենիսիստուհին (նշում՝ Էլինան ծնվել է 2002թ.-ին) 0:4 հաշվով զիջելիս է եղել, սակայն սուպերքամբեք է կատարել ու հաղթել 6:4 հաշվով:

1/8 եզրափակիչում Ավանեսյանը մրցելու է իր սկզբունքային մրցակից Անգելինա Կալինինայի հետ: Ուկրաինուհին աշխարհի նախկին 25-րդ ռակետն է: Ավանեսյանի հետ նրանք հանդիպել են Ուիմբլդոնում և «Ռոլան Գարոսում»: