Կարեն Դեմիրճյանի անվան մարզահամերգային համալիրում ընթացող հրաձգգության Եվրոպայի առաջնության մրցումային վերջին օրը Հայաստանի հավաքականն օղամղիչ ատրճանակ վարժությունում բրոնզե մեդալի համար մրցեց Բուլղարիայի հավաքականի հետ:

 

Հայաստանի հավաքականի եռյակում ընդգրկված Զավեն Իգիթյանը, Բենիկ Խլղաթյանն ու Գևորգ Մելքոնյանը ընդհանուր հաշվարկում գերազանցելով բուլղարներին 17:9 հաշվով` դարձավ առաջնության բրոնզե մեդալակիր:

 

Մինչև այս Հայաստանի հավաքականը Եվրոպայի այս առաջնությունում նվաճել էր 4 ոսկե ու 8 արծաթե մեդալ:

Շարժվող թիրախ խառը վազք (տղամարդիկ, կանայք, երիտսարդներ) մրցաձևում կանանց մեծահասակների պայքարում արծաթե մեդալակիր էր դարձել Գոհար Հարությունյանը (370 միավոր):

Տղամարդկանց թիմը` Հովհաննես Մարգարյանը, Հայկ Մինասյանը, Գոռ Խաչատրյանը դարձել էին թիմային պայքարի ոսկե մեդալակիրներ: Կանանց թիմը երկրորդն էր (Գոհար Հարությունյան, Լիլիթ Մկրտչյան, Արուսյակ Գրիգորյան):

Երիտասարդների անհատական պայքարում առաջինը Լիլիթ Մկրտչյանն էր (366 միավոր), իսկ երկրորդը` Յանա Հակոբյանը (362 միավոր):