Կվարացխելիան բաց կթողնի Երևանում կայանալիք հանդիպումը
ՈւԵՖԱ Ազգերի լիգայի փլեյ-օֆֆում Հայաստանի հավաքականը կմրցի Վրաստանի հավաքականի հետ։
Մարտի 20-ին թիմերը կհանդիպեն Երևանում, իսկ դրանից երեք օր անց կմրցեն Թբիլիսիում։
Վրաստանի հավաքականի կազմում երևանյան խաղին չի մասնակցի ՊՍԺ հարձակվող Խվիչա Կվարացխելիան։ Վրաստանի հավաքականի առաջատարը երկրորդ դեղին քարտն էր ստացել Չեխիայի հետ կայացած նախորդ խաղում, ինչի պատճառով ստիպված կլինի բաց թողնել Հայստանի հավաքականի հետ դիմակայության առաջին խաղը։
Հիշեցնենք, որ Հայաստանի հավաքականից Վրաստանի հավաքականի հետ խաղերին չի մասնակցի «Կրասնոդարի» կիսապաշտպան Էդուարդ Սպերցյանը, որը վնասվածք էր ստացել Ռուսաստանի Պրեմիեր լիգայի 19-րդ տուրի՝ «Կռիլյա Սովետովի» հետ տնային խաղում (1:1):
