«Ռեալի» վինգեր Ֆրանկո Մաստանտուոնոն որակազրկվել է երկու խաղով։ Որոշումը կայացրել է Իսպանիայի Թագավորական ֆուտբոլի ֆեդերացիայի (RFEF) կարգապահական կոմիտեն՝ Լա Լիգայի 26-րդ տուրի «Խետաֆեի» (0:1) հետ հանդիպման վերջնամասում տեղի ունեցած միջադեպից հետո։

Մաստանտուոնոն դժգոհություններ է հայտնել մրցավար Ալեխանդրո Մունյիս Ռուիսին և մի քանի անգամ արտաբերել է «ինչ խայտառակություն է» արտահայտությունը, ինչի հետևանքով էլ հեռացվել է խաղադաշտից։

Բացի այդ, «Ռեալի» պաշտպաններ Դին Հյոյսենը և Ալվարո Կարրերասը նույնպես պատժվել են։ Նրանք որակազրկվել են մեկ խաղով՝ դեղին քարտերի քանակի գերազանցման պատճառով։

Այսպիսով, երեք խաղացողներն էլ բաց կթողնեն մարտի 6-ին կայանալիք «Սելտայի» հետ արտագնա հանդիպումը։ Ֆրանկո Մաստանտուոնոն չի կարողանա մասնակցել նաև մարտի 14-ին նախատեսված «Էլչեի» հետ տնային խաղին։