Ռուսաստանի գավաթ. Կրասնոդարը Մոսկվայում զիջել է ԲԿՄԱ-ին, Սպերցյանը մասնակցել է խաղին

ԲԿՄԱ-ն Ռուսաստանի գավաթի խաղարկության կիսաեզրափակչի առաջին խաղում 3-1 հաշվով հաղթեց «Կրասնոդարին»։ Խաղը տեղի է ունեցել Մոսկվայում: Հանդիպման հաշիվը բացվել է 22-րդ րոպեին, երբ հյուրերի կազմում Մոզես Կոբնանը դարձել է գոլի հեղինակ:

Տանտերրի կազմում այնուհետև խփած գնդակներով աչքի են ընկել Կիրլ Գլեբովը (54-րդ րոպե), Դանիլ Կրուգովոյը (68-րդ) և Մաթեուս Ալվեշը (93-րդ)։

ԲԿՄԱ-ի խաղացող Օբլյակովը 19-րդ րոպեին չի կարողացել անվրեպ իրացնել 11-մետրանոց հարվածը, իսկ «Կրասնոդարի» պաշտպան Գոնսալեսը ստացել է երկրորդ դեղին քարտը և հեռացվել խաղադաշտից 72-րդ րոպեին։

Հյուրերի կազմում հանդիպմանը մասնակցել է նաև Հայաստանի հավաքականի ավագ Էդուարդ Սպերցյանը՝ 43-րդ րոպեին դուրս գալով խաղադաշտ:

Կիսաեզրափակչի պատասխան խաղը կկայանա Կրասնոդարում մարտի 17-ին։ Երկրորդ կիսաեզրափակչում կհանդիպեն Մոսկվայի «Դինամոն» և Մոսկվայի «Սպարտակը»։