Գանձասարն ունի նաև հայ նորեկներ
Կապանի «Գանձասարը» հայտարարել է երկու հայ ֆուտբոլիստների տեղափոխության մասին:
Ակումբը պայմանագիր է կնքել 20-ամյա եզրային կիսաշապաշտպան Արման Վարդանյանի հետ: Երիտասարդ ֆուտբոլիստի կարիերան անցել է Ղազախստանում, որտեղ Արմանն իր ուղին սկսել է «Էկիբաստուզ» ակումբի երկրորդ թիմի կազմում, այնուհետև տեղափոխվել գլխավոր թիմ: Մեկ մրցաշրջան անցկացնելով «Էկիբաստուզում»՝ Վարդանյանը տեղափոխվել է «Աստանայի» երկրորդ թիմ: Սակայն 2025 թվականին ֆուտբոլիստը կրկին վերադարձել է հարազատ «Էկիբաստուզ», որտեղից էլ տեղափոխվել է «Գանձասար»: «Արջերի» կազմում Արման Վարդանյանը հանդես կգա 8 համարի մարզաշապիկով:
Կապանցիների կազմը համալրել է նաև երիտասարդ Դավիթ Դավթյանը: 17-ամյա կիսապաշտպանը Երևանի «Փյունիկի» սան է: Նա հասցրել է հանդես գալ ակումբի տարբեր տարիքային թիմերում, ինչպես նաև Առաջին խմբում՝ «Փյունիկ Ակադեմիայի» կազմում: Հետագայում Դավիթը պայմանագիր է կնքել «Նոայի» հետ և հանդես եկել «Նոա-2»-ում:
Ընդհանուր առմամբ, երիտասարդ ֆուտբոլիստը Հայաստանի Առաջին խմբի առաջնությունում անցկացրել է 10 խաղ և դարձել 2 գոլի հեղինակ: Դավթյանը հանդես է եկել Հայաստանի մինչև 14, 16 և 17 տարեկանների հավաքականների կազմերում: Ներկայումս Դավիթը Հայաստանի մինչև 19 տարեկանների հավաքականի ֆուտբոլիստ է: «Գանձասարում» նա հանդես կգա վարձակալությամբ և կկրի 17 համարի մարզաշապիկը:
