Ալիսա Լյու. «Կնախընտրեմ հանդիպել ընկերներիս, քան մարզվել»
Օլիմպիական խաղերի գեղասահքի չեմպիոն Ալիսա Լյուն պատմել է, թե ինչպես է անցկացրել ժամանակն Իտալիայում ոսկե մեդալ նվաճելուն հաջորդած օրերին: Ամերիկացի գեղասահորդուհին ոսկե մեդալ է նվաճել անհատական և թիմային մրցաշարերում:
«Հաղթանակից հետո գրեթե չէի քնում։ Ես գնացի տուն և ուղղակի անում էի այն ամենը, ինչ ուզում էի՝ հինգ օր շարունակ։ Ոչ մի շփում մամուլի հետ, ոչ մի պարտավորություն. դա պարզապես հիանալի էր։ Ես նորից տեսա շատ ընկերների, պարզապես հանգստանում էի և քնում։ Այդ ընթացքում ես ընդամենը երկու անգամ եմ եղել սահադաշտի վրա՝ պարզապես այն պատճառով, որ ցանկացել եմ։
Ես կընտրեմ ընկերների հետ հանդիպումը մարզման փոխարեն, և եթե դա ինձ ավելի վատ գեղասահորդուհի դարձնի՝ ինձ միևնույն է։ Ես պատրաստ եմ ռիսկի դիմել։
Ինչ վերաբերում է Օլիմպիական խաղերին՝ ես ինձ լավ կզգայի ցանկացած դեպքում։ Եվ նույն կերպ կսիրեի կյանքը գեղասահքից դուրս։ Բայց այո, ես շատ գոհ եմ նրանից, թե ինչպես է դասավորվում կյանքս հիմա»,- ասել է Լյուն Vogue-ին տված հարցազրույցում։
