Հայտնի է՝ որքան գումար Ինտերը կառաջարկի Մխիթարյանին

«Ինտերը» որոշում է կայացրել ակումբի հնաբնակների ապագայի վերաբերյալ: Tuttomercatoweb.com-ը գրում է, որ պայմանագրի ժամկետն ավարտվող բոլոր ֆուտբոլիստներից միայն Հենրիխ Մխիթարյանին է առաջարկվելու նոր համաձայնագիր:

«Ներաձուրիի» առաջարկը նախատեսված է մեկ տարով և ենթադրում է աշխատավարձի 30 տոկոսով նվազում: Համաձայնելու դեպքում՝ Մխիթարյանը նախկին 3,8 միլիոն եվրոյի փոխարեն կստանա 2,5 միլիոն:

37-ամյա ֆուտբոլիստը միլանյան թիմում խաղում է 2022 թվականից և արդեն 126 խաղ է անցկացրել:

Յան Զոմերին, Ստեֆան դե Ֆրեյին, Ֆրանչեսկո Աչերբիին ու Մատեո Դարմիանին նոր պայմանագիր չի առաջարկվելու: