Այստեղ Լիգայի գավաթն ավելի կարևոր է, քան Չեմպիոնների լիգան․ Գվարդիոլան՝ խաղային խիտ օրացույցի մասին

«Մանչեսթեր Սիթիի» գլխավոր մարզիչ Պեպ Գվարդիոլան խոսել է խաղային խիտ օրացույցի մասին.

«Այստեղ Լիգայի գավաթն ավելի կարևոր է, քան Չեմպիոնների լիգայի հանդիպումները։ Այդպես է եղել հենց առաջին օրվանից, ուստի սա զարմանալի չէ։

Ես դրան առանձնահատուկ ուշադրություն չեմ դարձնում. վաղուց եմ հանձնվել։ Երբ մենք թրեբլ նվաճեցինք, ամեն ինչ ճիշտ նույնն էր։ Այդ պատճառով ես չեմ բողոքելու, թեև այստեղ աշխատածս 10 տարիների ընթացքում գիտեմ, որ իմ շատ գործընկերներ հենց այդպես են վարվում։

Ես ոչինչ չեմ խնդրում. եթե խաղում ենք 20:00-ին, ուրեմն խաղում ենք 20:00-ին։ Երեկոյան խաղալը թույլ է տալիս մեկնել շաբաթ օրը, ինչն առավելություն է։ Թերությունն այն է, որ Մադրիդի դեմ խաղից առաջ վերականգնվելու համար ավելի քիչ ժամանակ ունենք»,- ասել է Գվարդիոլան։