Ռեալը մտադիր է տարեկան 300 մլն եվրո վաստակել մարզաշապիկի գովազդից

«Ռեալը» մոտ է Emirates-ի հետ պայմանագիրը մինչև 2031 թվականը երկարաձգելուն, հայտնում է AS-ը:

Մադրիդյան ակումբը ԱՄԷ-ի ավիաընկերության հետ համագործակցում է 2013 թվականից: Այդ ժամանակից ի վեր հովանավորի տարբերանշանը փակցված է «Ռեալի» մարզաշապիկի դիմային հատվածում:

Բացի այդ, բանակցություններ են ընթանում տեխնոլոգիական HP ընկերության և Adidas-ի հետ համաձայնագրերը երկարաձգելու շուրջ:

Ըստ աղբյուրի՝ «Ռեալի» նպատակն է խաղային մարզահագուստի գովազդից տարեկան վաստակել մոտ 300 միլիոն եվրո: Սա բազային գումարն է, որը կարող է աճել՝ կախված թիմի մարզական հաջողություններից:

Ներկայումս «Ռեալի» մարզաշապիկին առկա հովանավորներից ստացվող ընդհանուր եկամուտը կազմում է 260 միլիոն եվրո: «Մանչեսթեր Յունայթեդի» մոտ այդ թիվը կազմում է շուրջ 200 միլիոն, իսկ «Բարսելոնայի» մոտ՝ 183 միլիոն: