Մ-23 ԵԱ. Արման Մուսիկյանը կիսաեզրափակչում է

Սերբական Զրենյանին քաղաքում ընթացող ազատ ոճի ըմբշամարտի Մ23 տարեկանների Եվրոպայի առաջնությունում Հայաստանի ներկայացուցիչ, 65 կգ քաշային Արման Մուսիկյանը դուրս է եկել կիսաեզրափակիչ:

Քառորդ եզրափակչում Մուսիկյանը ժամանակից շուտ առավելության է հասել շվեյցարացի Սանդրո Հունգերբյուլերի նկատմամբ և երեկոյան կգոտեմարտի եզրափակչի ուղեգրերից մեկի համար: Մուսիկյանը մեկնարկում տուշեով հաղթանակի է հասել հունգարացի Զոլտան Միժեիի նկատմամբ:

Հայաստանի մյուս ներկայացուցիչ, 79 կգ քաշային Հայկ Պապիկյանը 1/8 եզրափակչում ժամանակից շուտ առավելության է հասել էստոնիայի ներկայացուցիչ Տրիստան Ալեքսանդրովի նկատմամբ, սակայն քառորդ եզրափակչում 3-5 հաշվով պարտվել է լեհ Մատեուշ Պեջիցկիին: Մրցակցի՝ եզրափակիչ դուրս գալու պարագայում, հայ ըմբիշը սփոփիչ գոտեմարտ անցկացնելու հնարավորություն կստանա:

70 կգ քաշային Դավիթ Մարգարյանը ժամանակից շուտ պարտվել է Ռուսաստանի ներկայացուցչին:

97 կգ քաշային Գուրգեն Սիմոնյանը նախնական փուլում 55 վայրկյանում առավելության է հասել իսպանացի Այմար Էգուինոայի նկատմամբ, սակայն քառորդ եզրափակչում: Եթե մրցակիցը հասնի եզրափակիչ, Սիմոնյանը պայքարը շարունակելու հնարավորություն կստանա:

57 կգ քաշային Արման Հարությունյանը մեկնարկում 5-7 հաշվով պարտվել է Ռուսաստանի ներկայացուցիչ Այանդար Օնդարին: