Սարդարապատը հաղթեց Նոա 2-ին, Հայքը՝ Վան 2-ին․ Այլ արդյունքներ

Հայաստանի Առաջին խմբի առաջնությունում այսօր մեկնարկել է 19-րդ տուրը․ «Սարդարապատը» հյուրընկալվելիս 4 անպատասխան գնդակ է ուղարկել «Նոա 2»-ի դարպասը։ Աչքի են ընկել Սերոբ Գալստյանը (26'), Հովհաննես Կիրակոսյանը (86'), դուբլ է ձևակերպել Լևոն Վարդանյանը (52', 71').

«Հայքը» 2։0 հաշվով պարտության է մատնել «Վան 2»-ին։ Գոլերն իրենց անվան դիմաց գրանցել են Ալեքսանդր Գլիշիչն (27') ու Վասպուրակ Մինասյանը (90'+3).

«Արարատի Արաքսը» 0։2 հաշվով զիջել է «Ուրարտուի 2»-ին։ Գոլերը՝ էմմանուել Դիտու Բուենսի (76') և Գոռ Մկրտչյան (79'):

ԲԿՄԱ 2-ն էլ 3։1 հաշվով առավելության է հասել «Փյունիկ Ակադեմիայի» նկատմամբ։ ԲԿՄԱ 2-ից աչքի են ընկել Հարություն Մանուկյանը (21'), Արման Առաքելյանը (45') և Սուրեն Կիրակոսյանը (64'). «Փյունիկ Ակադեմիայի» միակ գոլը հեղինակել է Տիգրան Գևորգյանը (9')։

Վաղը կայանալիք «Շիրակ 2»-«Արարատ 2» հանդիպումը հետաձգվել է։

Մարտի 11-ին «Լեռնային Արցախը» կընդունի «Միկային», հաջորդ օրը «Սյունիքը» կմրցի «Անդրանիկի» հետ, իսկ մարտի 13-ին «Արարատ-Արմենիա 2»-ը կհյուրընկալվի «Բենտոնիտին»։