Ինդիան Ուելս. Թոփ 10-ի ևս երկու խաղացող դուրս մնաց պայքարից

Թենիսի տարվա առաջին «Մասթերս-1000» կարգի մրցաշարը մոտենում է վճռորոշ փուլերին, սակայն աշխարհի լավագույն թենիսիստներից հինգը չեն հասել 1/8 եզրափակիչ։

1/16 եզրափակիչից այսօր դուրս են մնացել Ալեքսանդր Բուբլիկը և Թեյլոր Ֆրիցը։ Ղազախստանը ներկայացնող աշխարհի 10-րդ ռակետը 7:6(3), 6:7(3), 3:6 հաշվով պարտվել է Ռինկի Հիջիկատային։ Աշխարհի 7-րդ ռակետ ամերիկացին 4:6, 6:7(6) հաշվով պարտվել է իր հայրենակից Ալեքս Միքելսենին։

Ավելի վաղ պայքարից դուրս էին մնացել Լորենցո Մուզետին (5), Ալեքս դե Մինորը (6) և Բեն Շելթոնը (9)։

Կառլոս Ալկարասը, Յանիկ Սիները և Նովակ Ջոկովիչը դուրս են եկել 1/8 եզրափակիչ։