Տուդոր. Խնդիրներն այնքան շատ են, որ դրանք բացատրելը հեշտ չէ

«Տոտենհեմի» գլխավոր մարզիչ Իգոր Տուդորը խոսել է իր աշխատանքի մասին Չեմպիոնների լիգայի 1/8 եզրափակչում «Ատլետիկոյից» կրած պարտությունից (2:5) հետո։

Այս պարտությունը լոնդոնցիների համար 6-րդն էր անընդմեջ բոլոր մրցաշարերում, ինչն ակումբի պատմության հակառեկորդն է։ Խորվաթ մասնագետի գլխավորությամբ թիմը պարտվել է բոլոր 4 խաղերում՝ 5:14 ընդհանուր հաշվով։

«Կարծում եմ՝ համապատասխանում եմ «Տոտենհեմի» մարզչի դերին։ Բայց խնդիրներն այնքան շատ են, որ դրանք բացատրելը հեշտ չէ։

Այս ամենը պետք է լուծվի ակումբի ներսում։ Ես չեմ պատրաստվում այդ մասին խոսել լրագրողների հետ»,- ասել է Տուդորը։