Նարեկ Գրիգորյանն ու Արթուր Միրանյանը խաղացին միմյանց դեմ
Ռումինիայի առաջնության 30-րդ տուրում «Ֆարուլն» ու «Ունիվերսիտատիա Կլուժը» ոչ-ոքի խաղացին։ Թիմերը փոխանակեցին մեկական գնդակ։
«Ֆարուլի» մեկնարկային կազմում խաղադաշտ դուրս եկավ Հայաստանի հավաքականի հարձակվող Նարեկ Գրիգորյանը, որը փոխարինվեց 74-րդ րոպեին։ Հյուրերի կազմում խաղը մեկնարկային րոպեներից սկսեց հավաքականի մեկ այլ հարձակվող՝ Արթուր Միրանյանը, որը խաղադաշտում անցկացրեց 61 րոպե։
Այս տուրից հետո «Ֆարուլը» 35 միավորով 10-րդն է։ «Ունիվերսիտատիա Կլուժը» 3-րդն է 52 միավորով։
