ՊՍԺ-ն ու Չելսին գոլային հրավառություն կազմակերպեցին (տեսանյութ)

Չեմպիոնների լիգայի 1/8 եզրափակիչում ՊՍԺ-ն ընդունել էր «Չելսիին» ու հաղթեց 5։2 հաշվով։

Հանդիպման հաշիվը բացեց Բրեդլի Բարկոլան՝ 10-րդ րոպեին։ 28-րդ րոպեին Մալո Գուստոն վերականգնեց հաշվի հավասարությունը, սակայն 1-ին կեսի ավարտից 5 րոպե առաջ Ուսման Դեմբելեն կրկին առաջ մղեց ՊՍԺ-ին։ 57-րդ րոպեին Էնցո Ֆերնանդեսը հաշիվը դարձրեց 2։2։

Խաղավարտից 25 րոպե առաջ ՊՍԺ-ն կարողացավ 3 գնդակ ուղարկել լոնդոնյան ակումբի դարպասը։ Նախ աչքի ընկավ Վիտինյան՝ 74-րդ րոպեին, ապա դուբլ ձևակերպեց Խվիչա Կվարացխելիան՝ 86-րդ ու հիմնական ժամանակին ավելացրած 4-րդ րոպեին։

Թիմերի միջև պատասխան խաղը կկայանա մարտի 18-ին։




Օրվա մյուս խաղերում Մադրիդի «Ռեալը», Ֆեդե Վալվերդեի հեթ-տրիկի շնորհիվ հաղթեց «Մանչեսթեր Սիթիին», իսկ «Բուդյո Գլիմտը» շանս չտվեց «Սպորտինգին»։