Նոան՝ Հայաստանի Սուպերգավաթակիր (տեսանյութ)

Հայաստանի Սուպերգավաթային մրցավեճում «Նոան» մրցում էր «Արարատ-Արմենիայի» հետ։ Հանդիպման հիմնական ժամանակն ավարատվեց 1։1 հաշվով։ 

Հանդիպման հաշիվը, փայլուն հարվածով բացեց Զիդան Բանջաքին՝ 9-րդ րոպեին։ 34-րդ րոպեին, սեփական տուգանային հրապարակում Էդգար Գրիգորյանը խախտեց խաղի կանոնները Հելդեր Ֆերեյրայի նկատմամբ․ մրցավար Զավեն Հովհաննիսյանը նշանակեց 11-մետրանոց հարված, որը դիպուկ իրացնելով՝ Ֆերեյրան վերականգնեց հաշվի հավասարությունը։ 2-րդ կեսում գոլեր չեղան, իսկ հաղթողը որոշվեց հետխաղյա 11-մետրանոց հարվածաշարում, որտեղ դիպուկ էին Սանդրո Պերկովիչի գլխավորած թիմի տղաները։ Սա խորվաթ մասնագետի նվաճած 1-ին տիտղոսն էր Հայաստանում։

Հայաստանի գործող չեմպիոնի ու գավաթակրի կազմում վճռորոշ հարվածները դիպուկ իրացրին Հելդեր Ֆերեյրան, Գոռ Մանվելյանը, Մարին Յակոլիշն ու Նարդին Մուլահուսեյնովիչը։ «Արարատ-Արմենիայից» դիպուկ էին Հուգո Օլիվեյրան ու Փոլ Այոնգոն։ Արայիկ Էլոյանի հարվածը որսաց Ալեքսեյ Պլոշադնին, իսկ Ժիրայր Շաղոյանի հարվածը բարձր էր։