Մաուրիցիո Սարին կարող է հեռանալ Լացիոյից

Իտալական «Լացիո» ակումբը կարող է խզել պայմանագիրը գլխավոր մարզիչ Մաուրիցիո Սարիի հետ։ Այս մասին սոցիալական ցանցերում հայտնել է լրագրող Նիկոլո Շկիրան։

«Մաուրիցիո Սարիի ապագան որպես «Լացիո» թիմի մարզիչ հաջորդ մրցաշրջանում հարցականի տակ է։ Մարզչի և ակումբի ղեկավարության միջև հարաբերությունները վատթարացել են, և երկու կողմերը կարող են բաժանվել այս ամռանը, չնայած նրա ներկայիս պայմանագրին, որը գործում է մինչև 2028 թվականը (տարեկան 2.5 միլիոն եվրո գումարած բոնուսներ)», - գրել է Շկիրան։

«Լացիոն» 2025/26 թվականների Ա Սերիա-ի մրցաշարային աղյուսակում զբաղեցնում է 10-րդ տեղը՝ 28 խաղից հետո վաստակելով 37 միավոր։ «Ինտերը» առաջինն է՝ 67 միավորով։