Ովքեր են աշխարհի լավագույն դրոփշոթ կատարողները. Ալկարասի թոփ-3-ը

Աշխարհի առաջին ռակետ Կառլոս Ալկարասին հարցրել են, թե ում է համարում ATP-ում լավագույն դրոփշոթ ունեցող խաղացողներին: Իսպանացին նախկինում իրեն էր լավագույնն անվանել «կտրած» հարված կատարողների մեջ:

 «Լավագույն դրոփշոթը… Մի քանի խաղացողներ են մտքիս գալիս։ Իհարկե, Կորենտեն Մուտեն լավագույններից մեկն է։ Նա ընդհանրապես գնդակի հիանալի զգացողություն ունի։

Ինձ նաև շատ է դուր գալիս Ջոկովիչի դրոփշոթը, հատկապես բեքհենդից։ Երբ նա դա անում է, դա իսկապես շատ գեղեցիկ է։

Նաև, հավանաբար, կարելի է նշել Դիմիտրովին. նա նույնպես ունի հիանալի դրոփշոթ և գնդակի տպավորիչ զգացողություն։ Այս խաղացողներն առաջինը եկան մտքիս։ Հնարավոր է՝ կան նաև ուրիշները, բայց ես կընտրեի այս երեքին»,- իսպանացու խոսքն է մեջբերում tennistemple.com-ը։