Ռանոսն 1-ին հաղթանակը տոնեց Այնտրախտ Բրաունշվայգի կազմում

Գերմանիայի 2-րդ Բունդեսլիգայի 26-րդ տուրում Բրաունշվայգի «Այնտրախտը» ընդունել էր Դյուսելդորֆի «Ֆորտունային» ու հաղթեց նվազագույն հաշվով։

Հանդիպման միակ գոլը հեղինակեց Ռոբին Հոյսերը՝ 62-րդ րոպեին։

Հայաստանի ազգային հավաքականի հարձակվող Հրանտ-Լեոն Ռանոսը տանտերերի կազմում փոխարինման մտավ 2-րդ կեսի մեկնարկին։

Սա Ռանոսի 1-ին հաղթանակն էր «Այնտրախտի» կազմում։ Մինչ այս, 22-ամյա հարձակվողը նոր թիմի կազմում մասնակցել էր բոլոր 5 հանդիպումներին (ընդհանուր ստանալով 149 րոպե խաղաժամանակ), սակայն հաղթանակ չէր տոնել՝ 3 պարտություն, 2 ոչ-ոքի։

Այս հաղթանակի շնորհիվ Բրաունշվայգը ներկայացնող ակումբը 29 միավորով 12-րդ տեղում է։