Գավին ապաքինվել ու վերադարձել է շարք

Կատալոնական «Բարսելոնան» պաշտոնապես հայտարարել է թիմի կիսապաշտպան Գավիի վերադարձի մասին։ 21-ամյա ֆուտբոլիստն արդեն ընդգրկվել է թիմի կազմում և հնարավոր է՝ մասնակցի Լա Լիգայի շրջանակներում կայանալիք «Սևիլյայի» դեմ առաջիկա հանդիպմանը։

Կիսապաշտպանը խաղադաշտ դուրս չի եկել օգոստոսից՝ ծնկի խաչաձև կապանների հետ կապված խնդիրների պատճառով։ Սեպտեմբերին նա ենթարկվել էր վիրահատության։

Հատկանշական է, որ սա երիտասարդ ֆուտբոլիստի առաջին լուրջ վնասվածքը չէր. նախկինում նա մոտ 1 տարի բաց էր թողել նույն խնդրի վնասվածքի պատճառով։

«Բարսելոնա»-«Սևիլյա» հանդիպումը կկայանա մարտի 15-ին և կմեկնարկի 19։15-ին։