Ֆուտզալի ԵՎՐՈ 2026․ Հայաստանի հավաքականը հաղթեց Դանիային

ՈՒԵՖԱ Ֆուտզալի ԵՎՐՈ 2026-ի որակավորման հիմնական փուլի նախավերջին տուրում ֆուտզալի Հայաստանի ազգային հավաքականն արտագնա խաղում պարտության մատնեց Դանիայի ընտրանուն:

Հայաստանի հավաքականը հաղթեց 3:1 հաշվով և շարունակում է գլխավորել մրցաշարային աղյուսակը 13 միավորով: Խմբի մյուս խաղում մարտի 7-ին Ղազախստանի հավաքականը 4:2 հաշվով հաղթանակ էր տոնել Ալբանիայի նկատմամբ։

Վերջին տուրում մարտի 12-ին Հայաստանի ազգային հավաքականն Երևանում կհանդիպի Ղազախստանի հավաքականին, որը երկրորդն է խմբում։  

Դանիա - Հայաստան՝ 1:3 (0:1)

Ֆրեդերիկսհավն, Արենա Նորդ

Գոլերը՝ Խրոմիխ 14'19'', Մաշումյան 23'02'', Սանոսյան 24'50'' (Հայաստան) Սյոգարդ 25'29'' (Դանիա)