Փյունիկը հաղթեց Ալաշկերտին՝ գլխավորելով մրցաշարային աղյուսակը (տեսանյութ)

Fastex Պրեմիեր լիգայի 18-րդ տուրում «Փյունիկն» ընդունել էր «Ալաշկերտին» ու հաղթեց նվազագույն հաշվով։ Հանդիպման միակ գոլը հեղինակեց Մոմո Յանսանեն՝ 21-րդ րոպեին։

Այս հաղթանակի շնորհիվ Արտակ Օսեյանի գլխավորած թիմը վաստակեց 35 միավոր ու շրջանցեց «Արարատ-Արմենիային» ու առնվազն մինչև վաղը կգլխավորի մրցաշարային աղյուսակը։

«Ալաշկերտը» 32 միավորով եզրափակում է լավագույն եռյակը։



Հիշեցնենք, որ տուրի մեկնարկային խաղում «Գանձասարը» 2 անպատասխան գնդակ էր ուղարկել «Արարատի» դարպասը։

19։00-ին կմեկնարկի «Ուրարտու»-ԲԿՄԱ հանդիպումը։ Վաղը կկայանան «Արարատ-Արմենիա»-«Վան» (15:30) ու «Շիրակ»-«Նոա» (19։00) հանդիպումները։