Արարատ-Արմենիան խոշոր հաշվով հաղթեց Վանին

Fastex Պրեմիեր Լիգայի 18-րդ տուրում «Արարատ-Արմենիան» Աբովյանի Վահագն Թումասյանի անվան մարզադաշտում ընդունել է «Վանին» և 3 անպատասխան գնդակ ուղարկել մրցակցի դարպասը։

Հանդիպման հաշիվը 15-րդ րոպեին բացել է Զիդան Բանջաքին, 10 րոպե անց Ալիուն Նդուրը կրկնապատկել է իր թիմի առավելությունը, իսկ երկրորդ կեսի մեկնարկին՝ 56-րդ րոպեին, Արթուր Սերոբյանը խփել է 3-րդ գնդակն ու ձևակերպել է հանդիպման վերջնահաշիվը։

Այս հանդիպումից հետո «Արարատ-Արմենիան» շարունակում է գլխավորել ՀՊԼ մրցաշարային աղյուսակը՝ 37 միավորով։ «Վանը» 21 միավորով 6-րդ տեղում է։