Կրասնոդարը հետ բերեց կորցրածը՝ նվաճելով Ռուսաստանի գավաթի խաղարկության եզրափակիչի ուղեգիր․ Սպերցյանը՝ գոլային փոխանցման հեղինակ (տեսանյութ)

Ռուսաստանի գավաթի խաղարկության կիսաեզրափակիչի պատասխան խաղում «Կրասնոդարն» ընդունել էր Մոսկվայի ԲԿՄԱ-ին ու հաղթեց 4։0 հաշվով։ Առաջին խաղում Մուրադ Մուսաևի գլխավորած թիմը զիջել էր 1։3 հաշվով։

Հայաստանի ազգային հավաքականի ավագ Էդուարդ Սպերցյանն ընդգրկված էր «Կրասնոդարի» մեկնարկային կազմում ու փոխարինվեց 89-րդ րոպեին։ 67-րդ րոպեին հայ ֆուտբոլիստը դարձավ գոլային փոխանցման հեղինակ։ Տեսանյութը՝ այստեղ։

Եզրափակիչում «Կրասնոդարը» կմրցի մոսկովյան 2 ակումբների՝ «Դինամո»-«Սպարտակ» զույգի հաղթողի հետ։ 1-ին խաղում «Դինամոն» առավելության է հասել 5։2 հաշվով։

«Կրասնոդար» 4։0 ԲԿՄԱ Մոսկվա
21' Դուգլաս Աուգուստո,  49', 67' Ժոաո Բատչի, 58' Ջոն Կորդոբա
Հեռացում՝ Մաթեուս Ռեյս, Մոյսես (2-ն էլ ԲԿՄԱ)