Մեսսին խփեց կարիերայի 900-րդ գոլը

«Ինտեր Մայամիի» հարձակվող Լիոնել Մեսսին գոլ է խփել ԿՈՆԿԱԿԱՖ-ի Չեմպիոնների գավաթի 1/8 եզրափակչի՝ «Նեշվիլի» դեմ պատասխան խաղում:

38-ամյա ֆուտբոլիստը գոլի հեղինակ է դարձել հանդիպման 7-րդ րոպեին՝ տուգանային հրապարակի սահմաններից հարվածելով դարպասի հեռավոր անկյունը:

Այս գոլն արգենտինացու համար դարձավ 900-րդը կարիերայի 1142 խաղերում: Նրա հաշվին կա նաև 407 գոլային փոխանցում:

Մեսսին 672 գոլ է խփել «Բարսելոնայի» կազմում, 115 գոլ՝ Արգենտինայի հավաքականում, 79-ը՝ «Ինտեր Մայամիում» և 32-ը՝ ՊՍԺ-ում:

Հատկանշական է, որ Կրիշտիանու Ռոնալդուն այս պահին խփել է 965 գոլ՝ անցկացրած 1312 խաղում: