1000-8000 դրամ. Մեկնարկել է Հայաստան-Բելառուս խաղի տոմսերի վաճառքը

Մարտի 29-ին՝ ժամը 18:00-ին, Երևանի Վազգեն Սարգսյանի անվան «Հանրապետական» մարզադաշտում կկայանա Հայաստան-Բելառուս ընկերական հանդիպումը: Այսօրվանից տոմսերը հասանելի են tickets.ffa.am կայքում:

Տոսմերի գները սկսում են 1000 դրամից: Առավելագույն գինը սահմանված է Արևմտյան տրբունայի համար: Այնտեղ գները 6000-8000 դրամ են:

Հայաստանի ֆուտբոլի ֆեդերացիան հայտնել է, որ յուրաքանչյուր անձ կարող է գնել Հայաստան-Բելառուս խաղի ոչ ավելի, քան 4 տոմս: Գնումից հետո օգտատերը տեսնելու է իր գնած տոմսերը tickets.ffa.am կայքի անձնական հաշվում, սակայն տոմսերի QR կոդերն ակտիվանալու են միայն հանդիպման օրը:

Տոմս գնելու համար հարկավոր է անցնել անձնագրային նույնականացում tickets.ffa.am կայքում:

Նույնականացման համար անհրաժեշտ տվյալները մուտքագրելուց հետո պետք է սպասել հաստատմանը, որը կատարվում է յուրաքանչյուր օր՝ ժամը 10։00-20։00՝ 30 րոպեի ընթացքում: