Լու Ժանմոնոն նվաճեց կարիերայի գլխավոր անհատական մրցանակը

Փոխանցումավազքերի կրկնակի Օլիմպիական չեմպիոն, աշխարհի քառակի չեմպիոն, ֆրանսիացի բիաթլոնիստուհի Լու Ժանմոնոն դարձավ 2025/2026 մրցաշրջանի Աշխարհի գավաթի խաղարկության ընդհանուր հաշվարկի հաղթող: Սա Ժանմոնոյի կարիերայում առաջին «Մեծ բյուրեղյա գլոբուսն» է:

Ժանմոնոն երաշխավորեց տիտղոսի նվաճումը մրցաշրջանի ավարտից երկու մրցավազք առաջ: Մարտի 19-ին Օսլոյում ընթացող Աշխարհի գավաթի հերթական փուլի շրջանակում անցկացվել է արագասահքի մրցավազքը:

 «Մեծ բյուրեղյա գլոբուսի» համար պայքարում Լուն պետք է այս մրցավազքում առաջ անցներ ընդհանուր հաշվարկում իր միակ մրցակցից՝ ֆինն Սուվի Մինկինենից, ինչը ֆրանսուհին արել է: Այժմ նրա առավելությունը Մինկինենի նկատմամբ ընդհանուր հաշվարկում կազմում է ավելի քան 200 միավոր, ինչը Մինկինենն արդեն չի կարող մաթեմատիկորեն չեզոքացնել:

Սպրինտի 65 մասնակիցների վերջնագծին հասնելուց հետո Ժանմոնոն զբաղեցնում է միջանկյալ 6-րդ տեղը: Մինկինենն առայժմ 11-րդն է: Լուն նրանից առաջ է անցել 20,8 վայրկյանով: