Այն ժամանակ ոչ ոք մեր մասին այդպես չէր խոսում․ Էնրիկեն հիշել է Սլոտի գովասանքներն ու խոսել քառորդ եզրափակիչի սպասվող հանդիպման մասին

ՊՍԺ-ի գլխավոր մարզիչ Լուիս Էնրիկեն խոսել է Չեմպիոնների լիգայի քառորդ եզրափակիչի սպասվող  հանդիպումների մասին, որտեղ իր թիմը մրցելու է «Լիվերպուլի» հետ։

«Ես հիշում եմ անցյալ տարին, երբ «Լիվերպուլն» այս մրցաշարի լավագույն թիմն էր, խաղում էր անհավանական մակարդակով, և նրանց մարզիչ Առնե Սլոտը շատ բարձր էր արտահայտվում ՊՍԺ-ի մասին։ Այն ժամանակ ոչ ոք մեր մասին այդպես չէր խոսում։ Դա շատ դրական էր։ Մենք անհամբերությամբ սպասում ենք այս քառորդ եզրափակիչին։

Ուրեմն հիմա մենք ֆավորի՞տ ենք։ Ինձ բախտ է վիճակվել ունենալ անհավանական թիմ և շատ խելացի խաղացողներ։ Նրանք գիտեն, որ նման խաղերում ֆավորիտներ չկան. կան միայն երկու թիմեր, որոնք սովոր են նմանատիպ հանդիպումների։ Դա կլինի շատ հետաքրքիր և շատ հուզիչ,- Էնրիկեի խոսքերն է մեջբերում ակումբի պաշտոնական կայքը։