Միշելի գոլը հաղթանակ պարգևեց Ուրարտուին (տեսանյութ)

Fastex Պրեմիեր լիգայի 19-րդ տուրում «Ուրարտուն» հյուրընկալվել էր ԲԿՄԱ-ին ու հաղթեց Բրունո Միշելի 54-րդ րոպեին խփած գոլի շնորհիվ։ Սա բրազիլացու 16-րդ գոլն էր ՀՊԼ-ի ընթացիկ մրցաշրջանում։

Այս հաղթանակից հետո Ռոբերտ Արզումանյանի գլխավորած թիմը վաստակեց 36 միավոր ու բարձրացավ 2-րդ հորիզոնական։ ԲԿՄԱ-ն 15 միավորով 7-րդ տեղում է։

Հիշեցնենք, որ տուրի մեկնարկային խաղում «Վանն» ու «Արարատ-Արմենիան» հաղթողին չեն պարզել՝ 2։2։

Վաղը կկայանա «Ալաշկերտ»-«Փյունիկ», «Գանձասար»-«Արարատ» հանդիպումները։ Տուրը կեզրափակվի մարտի 22-ին կայանալիք «Նոա»-«Շիրակ» խաղով։