Աշխարհի չեմպիոն դառնալը բոլորիս երազանքն է․ Կուարեժմա

Պորտուգալիայի ազգային հավաքականի նախկին վինգեր Ռիկարդու Կուարեժման հայտարարել է, որ ազգային թիմի նպատակը պետք է լինի 2026 թվականի աշխարհի առաջնությունում հաղթելը։

«Ես շատ հպարտ եմ, որ այն խաղացողները, ովքեր հանդես են եկել ինձ հետ, մեր երկրի համար նման կարևոր տիտղոս են նվաճել: Կարծում եմ՝ աշխարհի առաջնությունում հաղթելը բոլորիս երազանքն է: Մենք արդեն նվաճել ենք Եվրոպայի չեմպիոնի տիտղոսը, և հիմա մեր նպատակն աշխարհի առաջնությունում հաղթելն է:

Կարծում եմ՝ դա կլինի «տորթի վրայի բալը», քանի որ մենք միշտ երազել ենք այդ մասին, բայց այդպես էլ հաջողության չենք հասել: Եվ իրականությունն այն է, որ այս թիմը, այս սերունդը մեծ հույս է ներշնչել մեր երկրին»,- ասել է լեգենդար ֆուտբոլիստը:

Հիշեցնեք, որ ԱԱ 2026-ում Պորտուգալիայի հավաքականն ընդգրկված է K խմբում, որտեղ մրցելու է Ուզբեկստանի և Կոլումբիայի հավաքականների հետ։ Ռոբերտո Մարտինեսի գլխավորած թիմի 3-րդ մրցակիցը հայտնի կդառնա մարտի 31-ին՝ որակավորման փլեյ-օֆֆ խաղերից հետո, որտեղ ուղեգիրը կվիճարկե Կոնգոյի ԴՀ-ն ու Նոր Կալեդոնիա-Ճամայկա զույգի հաղթողը։