Ամեն ինչ, կամ ոչինչ. Օլմոն՝ Ատլետիկոյի հետ դիմակայության մասին

«Բարսելոնայի» կիսապաշտպան Դանի Օլմոն խոսել է Չեմպիոնների լիգայի քառորդ եզրափակիչում Մադրիդի «Ատլետիկոյի» դեմ սպասվող դիմակայության մասին։

«Մենք հենց այսպիսի սցենար էինք սպասում։ Կամ ամեն ինչ, կամ ոչինչ։ Մենք ունենք ներուժ և կարող ենք անցնել հաջորդ փուլ, եթե ցուցադրենք մեր լավագույն խաղը։

Մենք մոտիվացված ենք, հիշում ենք նաև, թե ինչ տեղի ունեցավ Իսպանիայի գավաթի խաղարկությունում, և չենք կարող մեզ թույլ տալ սայթաքել։

Ես արդեն մասնակցել եմ Չեմպիոնների լիգայի փլեյ-օֆֆի հանդիպման Բուդապեշտում, և մենք ցանկանում ենք նորից հայտնվել այնտեղ (մրցաշարի եզրափակիչը կայանալու է Բուդապեշտում)»,- ասել է Դանի Օլմոն։

Հիշեցնենք, որ «Բարսելոնան» ՉԼ-ի 1/8 եզրափակիչում պայքարից դուրս թողեց «Նյուքասլին»՝ պատասխան խաղում 7 գնդակ ուղարկելով մրցակցի դարպասը։ «Ատլետիկոն» էլ 2 խաղերի արդյունքում հաղթեց «Տոտենհեմին»։

Չեմպիոնների լիգայի «Բարսելոնա»-«Ատլետիկո» 1-ին հանդիպումը կկայանա ապրիլի 8-ին, պատասխան խաղը՝ ապրիլի 14-ին։