Նյուրնբերգը հաղթեց խոշոր հաշվով․ Մկրտչյանը խաղաժամանակ չստացավ

Գերմանիայի 2-րդ Բունդեսլիգայի 27-րդ տուրում «Նյուրնբերգն» ընդունել էր «Կայզերսլաութերնին» ու հաղթեց 3։0 հաշվով։ Գոլերն իրենց անվան դիմաց գրանցեցին Լուկա Լոչոշվիլին (2'. 83') և Ադամ Մարխիևը (58', 11մ)։

Հայաստանի ազգային հավաքականի պաշտպան Ստյոպա Մկրտչյանն ընդգրկված էր տանտերերի հայտացուցակում, սակայն խաղաժամանակ չստացավ։

Այս հաղթանակի շնորհիվ Միրոսլավ Կլոզեի գլխավորած թիմը 36 միավորով 9-րդ տեղում է։ «Կայզերսլաութերնը» 40 միավորով 7-րդն է։

Միջազգային խաղերով պայմանավորված դադարից հետո «Նյուրնբերգը» հաջորդ՝ 28-րդ տուրում կմրցի Բրաունշվայգի «Այնտրախտի» հետ, որի կազմում հանդես է գալիս Հայաստանի ազգային հավաքականի հարձակվող Հրանտ-Լեոն Ռանոսը։