Սցենար շատ նման էր նախորդ խաղին․ Վահե Գևորգյանը՝ Փյունիկի դեմ խաղից հետո

Fastex Պրեմիեր լիգայի 19-րդ տուրի «Ալաշկերտ»-«Փյունիկ» (0։1) խաղից հետո «Ալաշկերտի» գլխավոր մարզիչ Վահե Գևորգյանը խոսել է խաղի մասին ու պատասխանել լրագրողների հարցերին։

«Ցավալի միավորներ կորցրեցինք։ 2-րդ խաղն անընդմեջ պարտվում ենք մեր անմիջական մրցակիցներից մեկին։ Մենք դա շատ լավ հասկանում ու գիտակցում ենք։ Կարծում եմ, սցենար շատ նման էր նախորդ խաղին։ Ով գոլ խփեր՝ կհաղթեր, իրավիճակը նման էր։ Մենք մի փոքր փոփոխությունների էինք գնացել, թե՛ կազմի, թե՛ տակտիկայի առումով։ Կարծում եմ աշխատեց։ Մեր ճնշումը «Փյունիկի» վրա մեծ էր, մենք առաջարկում էինք արագություններ, որոշ դրվագումներ «Փյունիկը» չհրաժարվեց։ Գտնում եմ, որ նրանք խելացի էին վարվում՝ քցելով խաղի տեմպը։ Շատ խելացի էին վարվում, որովհետև մեր հետ շատ քիչ թիմեր կարող են նման բարձր արագություններով խաղալ։ Շնորհավորում եմ «Փյունիկին», արժանիորեն հաղթեցին։ Մենք նմանատիպ դեպքերում գիտենք, թե ինչ պետք է անենք։ Կմարզվենք, ընկերական հանդիպում կունենանք ու կշարունակենք»,-նշել է Գևորգյանը։

Մանրամասն տեսանյութում․