Մադրիդյան դերբին ավարտվեց Ռեալի հաղթանակով (տեսանյութ)

Իսպանիայի առաջնության 29-րդ տուրում Մադրիդի «Ռեալն» ընդունել էր «Ատլետիկոյին» ու հաղթեց 3։2 հաշվով։

33-րդ րոպեին Ադեմոլա Լուկմանը բացեց խաղի հաշիվը։ 52-րդ րոպեին Վինիսիուսը դիպուկ իրացնելով 11-մետրանոցը՝ վերականգնեց հաշվի հավասարությունը։ 3 րոպե անց Ֆեդերիկո Վալվերդեն առաջ մղեց «արքայական» ակումբին։

66-րդ րոպեին Նահուել Մոլինան հեռահար շքեղ հարվածով վերականգնեց հաշվի հավասարությունը, սական 72-րդ րոպեին Վինիսիուսը կրկին աչքի ընկավ՝ հաղթանակ պարգևելով «սերուցքայիններին»։

77-րդ րոպեին, կոպիտ խախտման համար, խաղադաշտից հեռացվեց Ֆեդերիկո Վալվերդեն։

Այս հաղթանակից հետո Ալվարո Արբելոայի գլխավորած թիմը 69 միավորով 2-րդ տեղում է ու 4 միավոր զիջում է առաջատար «Բարսելոնային»։ «Ատլետիկոն» 57 միավորով 4-րդ տեղում է։